Калі складзеш ты і прыстаўку,
І летні загарадны дом,
То выйду я не на забаўку,—
Са мной не справішся хапком.

Слова-дрэва — першы склад.
Слова-кіпень — акурат
Гэта будзе склад другі.
Іх складзі, мой дарагі,—
Атрымаюць вучні
Першы свой падручнік.

Сэнс другой загадкі:
Лічба плюс ападкі —
Зашумець павінны
У вадзе расліны.

Ты вазьмі мой дарагі,
Меру даўнюю вагi,
Да яе дадай час сутак —
I нясі матулі скрутак,
У які, калі ты мудры,
Уклаў каробачку для пудры

Слова першае праколе
Слова іншае,
Што ў коле,—
I красуе ярка дужа
У трэцім слове
Дзікай ружай.

Сяброўка градкі даглядае:
І поле іх, і палівае...
Які ўчастак зоймуць градкі? —
Пачатак гэтае загадкі.
А як завуць маю сяброўку? —
Вам адгадаць патрэбна зноўку.
Цяпер адгадкі дзве складзіце —
І, што на градках, назавіце!

Слова першае — спрадвек
Ён бяспраўны чалавек.
Да яго дадаць захочам
Слова з іменем жаночым.
Суму ты назваць гатоў:
Дрэва з гронкамі пладоў?

Нізкарослы конь, а злева
Той займеннік, што і справа,—
І не стане неспадзевам
Далёкая дзяржава.