ANTALIS

Nota:

• Azaroaren 27an, Albizturgo Antalis enpresako zuzendaritzak, enpresa ixteko asmoa duela azaldu zien bere 39 langileei.

Nota:

• Madrilgo zuzendaritzarekin bilera egin zuten Donostian. Kanpoan, langileek protesta egin zuten goiz osoan zehar.

Nota:

• Enpresarekin lehen negoziazioak fruiturik eman gabe amaitu ostean, langileek greba mugagabea hasi zuten euren lanpostuen defentsan.

Nota:

• Abenduaren 14an, Tolosaldeko biztanleak kalera irten ziren eskualdeko hainbat enpresetan gertatzen ari ziren kaleratze eta itxiera espedienteak salatzeko. Tartean izan ziren Antaliseko langileak.

Nota:

• Enpresak urtarrilaren 9ra arte luzatu zuen enpresa eta lan ordezkarien arteko kontsulta epea. Langileek bitartean euren lanpostuen aldeko borrokan jarraitzen zuten.

Nota:

• Kontsulta epea amaitzear zela, enpresako zuzendaritzak lantegia itxteko erabakia irmoa zela azaldu zuen, nahiz eta kaleratzeei begira eskaintza egin zien langileei. Hauek, ordea, ez zuten onartu eskaintza hori

Nota:

• Espainian duen egoitza nagusian elkarretaratzea egin zuten langileek. Enpresaren kanpoaldean protesta egiteaz gain, bertako langileei informazioa banatu zieten.

Nota:

• Otsailak 14ko datarekin jaso zituzten kaleratzeak zehazten zituzten gutunak.

Nota:

• Otsailaren 14tik aurrera, 39 langileak kaleratu zituzten. Egun horretan bertan sartu zuten beraien kaleratzea salatzeko demanda kolektiboa Euskal Autonomia Erkidegoko Auzitegi Gorenean.

Nota:

• Langileek protesta egin zuten lantegian. Ez ziren bakarrik egon, lagun, senide eta beste enpresa batzuetako langileak ere bidelagun izan zituzten. Langileetako batzuk enpresa barruan egon ziren. Ertzaintza azaldu zen eta tentsio uneak bizi izan ziren.

Nota:

• Enpresak pausorik eman ezean, apirilaren 1ean zuzendaritzak planteatutako erregulazio espedientearen aurkako epaiketa burutuko zela jakinarazi zuten langileek.

Nota:

• Zuzendaritzak, kaleratutako langileen kalte ordaina 45 egunetara igo zuen, 24 hilabeteko topearekin, eta langileen gehiengoak onartu egin zuen eskaintza. Epaiketa, beraz, bertan behera geratu zen.