У шахматах —
Склад першы аб'яўляюць,
Другія два —
У траве пад сонцам ззяюць.
А разам жа —
Што за дзівосыы —
На караблі яны ...

Калі зірнуць на гэта слова,
Ва ўciм тут бык або карова.
Паглядзіш спераду — рыканне,
А ззаду — сродак для бадання.
Акінеш вокам усю форму —
Быку й карове служыць кормам

Тры літары — жыллё для нас,
Дзве — прыназоўнік азначаюць.
А ўрэшце — печ, у якой якраз
Чыгун і выплаўляюць

Прыстаўка — першы склад у слове,
А два астатнія склады
У кароў і коз убачыш ты.
І выйдзе тое канчаткова,
Што лучыць вёскі, гарады.

Першае слова — каня паганяе.
Другое слова — імя замяняе.
Трэцяе слова — час вымярае.
А ў цэлым — узімку да ўcix завітае

Слова «тата» у рускай мове
Назавіце ў першым слове.
А ў другім — вы прыгадалі?
Войска гэтак называлі.
Словы склалі за хвіліну —
Атрымаеце расліну.

Паверхневую частку дрэва
Ты напішы, мой дружа, злева.
А справа месца дапішы,
Дзе любяць плаваць малышы.
Цяпер чытай усё з паперкі —
Убачыш цвёрдыя цукеркі.

Займеннік
Плюс час сутак —
І атрымаеш хутка
Замест адказу
Адзінку часу.