Karteikarten
Vocabulario Historia Medieval
Karten in diesem Stapel (7)
- 1MOZÁRABECristiáns de orixe hispano-godo que vivían en territorio musulmán e que, co tempo, acabaron adquirindo os costumes da vida musulmá e a ligua árabe. Ademais, a cambio dunha certa tolerancia e autonomía interna, tiñan que pagar un imposto ás autoridades musulmás.
- 2TAIFASTrátase dos reinos nos que se disgregou o califato de Córdoba tras a súa desaparición en 1031. Configuráronse máis de 20 reinos de taifas, independentes e controlados por unha familia e unha cidade importante. Tras unha primeira época de estabilidade e prosperidade, foron incapaces de frear o avance dos reinos cristiáns, aos que tiveron que pagar parias. Desde mediados do s. XIII só sobrevivirá o reino de Granada.
- 3MARCA HISPÁNICATerritorios fronteirizos entre o reino franco e o mundo musulmán situados ao sur dos Pirineos. Actuaban como núcleos de resistencia cristiá para frear a expansión musulmá e eran gobernados por condes ,designados polos reis francos, que actuaban como vasalos destes. Co tempo, acabaron por independizarse, dando lugar ao reino de Navarra e Aragón. Os territorios eran os condados de Pamplona, Aragón, Sobrarbe, Ribagorza e os condados cataláns.
- 4PRESURAModelo de repoboación desenvolvido polos reinos cristiáns entre os s. IX e X, ao norte do río Douro e propio do reino de León, ata o s. XI. Trátase dunha repoboación espontánea (con autorización real) que consistía en volver ocupar e cultivar as terras conquistadas aos musulmáns. Era un mecanismo para incentivar o cultivo en territorio fronteirizo.
- 5CARTA DE POBOAMENTODocumento concedido polo monarca, entre os s. X e XIII, que permitía a unha comunidade repoboar núcleos de poboación conquistados aos musulmáns; a cambio, conseguían privilexios forais e un estatuto de liberdade fronte ao control feudal. Isto permitiu o nacemento de vilas e burgos que fortalecerían o poder da monarquía fronte aos señores feudais.
- 6MANSOParte dun feudo medieval que se corresponde coa vivenda e as terras que un señor feudal distribúe entre os seus campesiños vasalos para a súa subsistencia. A cambio do dereito de uso sobre esas terras, os campesiños debían entregar ao señor unha parte da colleita e traballar na reserva señorial. Tamén obtiñan a súa protección.
- 7MESTAEra unha asociación fundada polo rei castelán Afonso X (1273), que agrupaba aos propietarios de ovellas merinas transhumantes. O gando era propiedade dos nobres e das autoridades eclesiásticas, o que determinaba o goce dunha serie de privilexios como o paso polas cañadas e o pastoreo entre a Cordilleira Cantábrica e Serra Morena. Esta asociación perdurará ata o final do Antigo Réxime, en 1837.
Informationen
- Beschreibung
- Vocabulario Tema 2 Historia Medieval: Mozárabe, taifas, marca hispánica, presura, carta de poboamento, manso, mesta.
- Erstellt von
- Mery PM
- Aufrufe
- 25
- Tags
- Bewertung