21875528
Beschreibung
Karteikarten von Алла Ляхович, aktualisiert more than 1 year ago
|
Erstellt von Алла Ляхович
vor etwa 4 Jahre
|
|
| Frage | Antworten |
| Як абазначаюцца гукі на пісьме? | Гукі на пісьме абазначаюцца літарамі. |
| Якія словы пішуцца з вялікай літары? | З вялікай літары пішуцца: імёны, імёны па бацьку, прозвішчы людзей; клічкі жывёл; назвы краін, гарадоў, вёсак, вуліц; назвы мораў, рэк, азёр. |
| Чым адрозніваюцца гукі [ў] і [у]? Калі пішацца літара ў? | Гук [ў] — зычны, гук [у] — галосны. Літара ў (у нескладовае) пішацца пасля галосных: леў, праўда, воўк. Улетку Вера жыла ў вёсцы. |
| Як вызначыць, колькі складоў у слове? | Колькі ў слове галосных гукаў, столькі і складоў: лёд, зі-ма, хо-лад, за-ве-я. |
| Раскажыце правіла правапісу літар о, э—а ў беларускай мове. Прывядзіце прыклады. | У беларускай мове літары о, э пішуцца ў націскных складах. У ненаціскных складах замест іх пішацца а: мо´ст — масты´, стрэ´хі — страха´. |
| Калі ў беларускай мове пішуцца літары е, ё—я? Прывядзіце прыклады. | У першым складзе перад націскам замест літар е, ё пішацца я: цёмны — цямне´ць, све´тлы — святло´. |
| Як абазначаецца мяккасць зычных гукаў на пісьме? | Зычныя гукі бываюць цвёрдыя і мяккія. Мяккасць зычных гукаў на пісьме абазначаецца літарамі е, ё, ю, я, і, ь: верасень, клён, ліпа, зязюля. |
| Назавіце няпарныя цвёрдыя зычныя гукі. | Цвёрдыя зычныя гукі [р], [ж], [ш], [ч], [дж], [ц] не маюць парных мяккіх гукаў. Пасля літар р, ж, ш, ч, ц і спалучэння літар дж пішуцца а, о, у, ы, э: шафа, жо- луд, рука, цыбуля, рэха, джэм. |
| Як праверыць правапіс слоў з парнымі звонкімі ці глухімі гукамі на канцы ці ў сярэдзіне слова? | Для праверкі слоў з парнымі звонкімі і глухімі зычнымі на канцы і ў сярэдзіне слова трэба змяніць слова так, каб пасля зычнага стаяў галосны гук: сцежка — сцежачка, кашка — каша. |
| Якія зычныя гукі ў беларускай мове мо- гуць падаўжацца? Як абазначаюцца падоўжаныя зычныя гукі на пісьме? Прывядзіце прыклады. | Гукі [ж], [ш], [ч], [з’], [с’], [л’], [н’], [ц’], [дз’] паміж галоснымі могуць вымаўляцца падоўжана. Падоўжанае вымаўленне гукаў на пісьме перадаецца дзвюма літарамі: Палессе, збожжа, зацішша. Падоўжаны гук [дз’] на пісьме абазначаецца спалучэннем літар ддз: разводдзе, ладдзя. |
| Калі ў словах пішуцца апостраф? | Апостраф пішацца пасля літар, якія абазначаюць цвёрдыя зычныя гукі, перад літарамі е, ё, ю, я, і, калі паміж зычным і галосным вымаўляецца гук [й’]: [й’э] [й’у] [й’а] [й’i] надвор’е, п’ю, аб’ява, вераб’і. |
| Калі ў словах пішацца раздзяляльны мяккі знак? | Раздзяляльны мяккі знак пішацца пасля літар л, н, з, с, ц, спалучэння літар дз перад е, ё, ю, я, і: льецца, Арсеньеў, Афанасьеў, парцье´ры, Аркадзьеў. |
Möchten Sie mit GoConqr kostenlos Ihre eigenen Karteikarten erstellen? Mehr erfahren.