12098638
Descripción
Fichas por Алла Ляхович, actualizado hace más de 1 año
|
Creado por Алла Ляхович
hace alrededor de 6 años
|
|
| Pregunta | Respuesta |
| ЛІДСКІ ЗАМАК | Помнік абарончага мастацтва XIV— XV стагоддзяў. Каб закрыць крыжакам шлях на землі Вялікага княства Літоўскага, князь Гедымін у 1323 годзе загадаў пабудаваць у Лідзе мураваны замак. Узводзўся ён на штучна насыпаным востраве. Там, дзе рачулка Каменка ўпадала ў Лідзею. Супрацьстаяць крыжакам маглі толькі тыя абарончыя збудаванні, якія былі ўзброены самымі лепшымі ў тыя часы ваеннымі прыстасаваннямі. Да такіх абарончых збудаванняў і адносіўся Лідскі замак. Таўшчыня яго сцен была тры метры, вышыня — дванаццаць, а даўжыня — 400—500 метраў. Замак быў абкружаны ровам шырынёй 20 метраў. |
| КРЭЎСКІ ЗАМАК | Крэўскі замак быў вельмі падобны на Лідскі. Сёння, на жаль, ад яго захаваліся толькі руіны. Замак быў сведкам шматлікіх гістарычньх падзей. Пасля смерці князя Альгерда яго землі былі падзелены паміж сынам Альгерда Ягайлам і братам Кейстутам. Іх сквапнасць стала прычынай сварак і барацьбы за тэрыторыю. У 1382 годзе дружына Кейстута падступіла да Навагрудка, дзе знаходзіўся Ягайла. Той выйшаў насустрач Кейстуту і прапанаваў яму мір. Кейстут і яго сын Вітаўт згадзіліся. Але замест цёплага прыёму іх чакалі ланцугі і ссылка ў Крэўскі замак. Там, у палоне, Кейстут быў забіты. Такі ж лёс чакаў і Вітаўта, але яму ўдалося ўцячы з замка, пераапрануўшыся ў адзенне служкі. Больш за месяц Вітаўт хаваўся ў Сынковічах у паўразбуранай крэпасці, пакуль ворагі не згубілі яго след. Пазней гэтую крэпасць па загадзе князя Вітаўта перабудавалі ў царкву. У 1407 годзе Вітаўт наведаў Сынковічы, каб прысутнічаць пры асвячэнні храма. |
| МІРСКІ ЗАМАК | Мірскі замак пабудаваны ў 1506—1510 гадах на адкрытай мясцовасці ля мястэчка Мір. 3 трох бакоў замак быў абнесены равамі і землянымі насыпамі, з чацвёртай абаронены ракою. Замак планавалася ўзвесці з цэглы. Каб увасобіць гэтую задуму, былі спецыяльна пабудаваны заводы па вырабе цэглы. Будаўніцтва замка вялося ў некалькі этапаў. Спачатку “выраслі” крапасныя сцены і вежы. Сцены замка мелі вышыню амаль 13 метраў, таўшчыню — 3 метры. Пазней з ’явіўся трохпавярховы палац. У XVII— XVIII стагодцзях Мірскі замак уяўляў сабой цэлы палацава-замкавы комплекс. У ім удала спалучаліся захапляльная раскоша і абарончыя прыстасаванні. |
| НЯСВІЖСКІ ЗАМАК | Нясвіжскізамакузведзены ў XVI стагоддзі на беразе ракі Уша па праекце італьянскага архітэктара Джавані Бернардоні. Належаў дынастыі Радзівілаў. Забудову абкружаў роў, узровень вады ў якім рэгуляваўся. Таму выгляд быў такі, быццам замак стаіць на востраве. Трапіць у яго можна было толькі па доўгім драўляным мосце, які ў выпадку небяспекі лёгка разбіраўся. Некалі Нясвіжскі замак з ’яўляўся адной з самых моцных і дасканалых крэпасцяў з лепшымі ваеннымі прыстасаваннямі. Але гэта быў не толькі абарончы, але і культурны цэнтр. У 12 залах размяшчалася бібліятэка на 20 тысяч тамоў, карцінная (у тым ліку партрэтная) галерэя, багатая калекцыя еўрапейскай, арабскай, японскай і кітайскай зброі, знакамітыя слуцкія паясы. Сярод усіх каштоўнасцей замка найвялікшай стаўся Радзівілаўскі летапіс, Ёсць паданне, што ў замку захоўвалася вельмі многа выключна прыгожых і дарагіх рэчаў. Сярод іх 12 апосталаў, адлітыя з золата. Даследчыкі мінулага вядуць іх пошукі. У 2005 годзе Нясвіжскі замак быў унесены ў спіс Сусветнай спадчыны ЮНЕСКА. |
¿Quieres crear tus propias Fichas gratiscon GoConqr? Más información.