RECURSOS ESTILÍSTICOS

RECURSOS ESTILÍSTICOS

1. Recursos fonéticos

   • Fonética: describe os sons dunha lingua. Ademais de todos os procedementos rítmicos, métricos e de rima, que tamén se poden encadrar neste grupo, sinalaremos:
     • - Aliteración: Consiste en repetir un ou varios sons que producen algun efecto no lector.
       • Lingua lame emboca esvara lábil lenta lingua na lama en que xacente
     • - Paronomasia: consiste na proximidade de palabras semellantes nos sons pero diferentes nos significados.
       • E non saber por que vai, tira, vira, corre que corre, alanca, alanca, alanca
     • - Onomatopea: É unha variante da aliteración. Consiste en imitar os sons que se producen na realidade
       • ¡tas-tis, tas-tis!, na silenciosa noite o siniestro compás repite a péndola

2. Recursos semánticos

   • Metonimia: Consiste en nomear algo con outro nome baseándose na relación dos seus contidos.
     • pasa de man en man a xerra roiba de albariño.
   • Antítese: Póñense en relación dous contidos opostos entre si.
     • E o silenzo vai nomeando.
   • Metáfora: Relaciónanse os contidos de dous signos lingÜisticos.
     • O termo real (R) identifícase co termo imaxe (I), sen enlace.
       • Amade sempre a terra (R) nosa nai (I).
   • Comparación: relaciónanse dous elementos entre si.
     • Termo real (R) Elemento de enlace (E) Termo imaxe (I).
       • (R) As campanas da parroquia (E) brincaban na alma do corpo (I) como puchos revuldeiros.
   • Personificación: Atribúenselles calidades humanas a seres inanimados.
     • Terra, que o sol, sempre amante, mornea tódolos días.
   • Hipérbole: Esaxéranse de maneira desproporcionada as calidades ou accións.
     • Murmurei- adorada Galicia! (e dos ollos chovíanme as bágoas)
   • Sinestesia: Combínanse impresións de campos sensoriais diferentes.
     • Unha lúa verde pendura no mouro silenzo
   • Silepse: Consiste en usar unha palabra en sentido recto e, ao mesmo tempo, en sentido figurado.
     • Quero ir á China, para orientarme un pouco...

3. Recursos morfolóxicos

   • Epíteto: é un adxectivo que lle engade viveza e colorido ao substantivo. Poderíase prescindir del porque expresa unha calidade que xa ten o substantivo
     • niste escuro pozo tan profundo.
   • Eufemismo: consiste en substituír unha palabra ou expresión desagradable por outra de connotacións menos negativas:
     • Hai numerosas baixas civís.
   • Enumeración: acumulación de substantivos para describir calquera obxecto ou idea
     • Pinos, ríos, arboredas pinares que move o vento
   • Gradación: ordenación dunha serie de palabras de menor a maior orde de importancia ou viceversa
     • Adiós ríos, adiós fontes, adiós regatos pequenos

4. Recursos sintácticos:

   • Hipérbato: consiste en cambiar a orde lóxica das palabras nunha oración.
     • Dos toxales as tenues toxiñas
   • Quiasmo: consiste en cruzar catro elementos (dous dunha clase gramatical e outros dous doutra), deste xeito: ABBA
     • sen corpos tálamo, xardín sen sombra
       • A
       • B
       • B
       • B
   • Asíndeto: supresión intencionada dos nexos.
     • Traballou, aforrou, mercou, vendeu consumiu, informou, cumpriu co preceuto, viviu arredor de si mesmo.
   • Polisíndeto: repetición innecesaria de nexos
     • Teñen gracia e sinxeleza e unha sutil fermosura
   • Anáfora: repetición dunha ou varias palabras no comezo dun verso ou oración
     • Que desgracia tan grande ser poeta, oficio de chorar sin cobrar nada, oficio de cuspir na mar inmensa e de chantar pancartas no deserto.
   • Paralelismo: consiste en enlazar as estrofas de dúas en dúas; así, os versos da segunda estrofa son variantes da primeira; os versos da cuarta son variantes da terceira...
     • Digades, filha, mia filha velida, porque tardaste na fontana fría. -Os amores hei.
       • Digades, filha, mia filha louçana, porque tardaste na fría fontana. -Os amores hei.
         • Tardei, mia madre, na fontana fría, cervos do monte á auga volvían. -Os amores hei.
           • Tardei, mia madre, na fría fontana, cervos do monte volvían á auga. -Os amores hei.